Blog! | Igeldo Herriko webgunea Skip to content
  • Blog!
    • Kategoria: Azaleko Nabarmendua

    Blog!

    Hurrengo kategoria duten postak ikusten: Azaleko Nabarmendua

    Eliza atzeko lokala uzteko prest azaldu da apaiz berria

    Nork argitaratua: Igeldo Herria Kategoriak: Azaleko Nabarmendua urte 1, 6 hilabete atzera

    Apaiz berria Jubilatuekin, Herri Kontseiluko hainbat kiderekin eta herritar batekin elkartu zen uztailean. Bertan adierazi zien eliza prest dagoela atzeko lokala herriko ekintzetarako uzteko. 2010-2015 urte artean egin bezala, zesio akordio bat sinatzea izango litzateke hurrengo pausua. Sinatu beharreko dokumentua prestatzen ari direla jakinarazi du Herri Kon­tseiluak eta berri gehiago izatean jakinaraziko dute.
    Herri Kontseiluak argitu du, lokala nahiko egoera onean dagoela, baina obra baten beharra duela. Zesioa lortuko balitz, auzolan ba­tzuk egin beharko lirateke guztia egokitzeko. Eta obra egin bitartean, prozesu bat hasi beharko da erabilera zehazteko.

    osorik irakurri / 0 iruzkin

    Hasi dira pelota saioak, astearte eta ostegunetan

    Nork argitaratua: Igeldo Herria Kategoriak: Azaleko Nabarmendua urte 1, 6 hilabete atzera

    Iraila erdian hasi zen Pelota Eskola Igeldon. Ordutik, astearte eta ostegunero izaten dira saioak arratsaldeko 17:30etatik 19:00eta­ra. Aurten, 15 ume dabiltza, momentuz. Benjaminak 3, alebinak 9 eta infantilak 3.
    Pelota Eskolako arduradunek azaldu dutenez, apuntatzeko aukera badago oraindik. Interesa daukanak, frontoira azaldu besterik ez du. Haur Hezkuntzako umeren batek ere nahiko balu, aukera izango lukeela gaineratu dute.

    osorik irakurri / 0 iruzkin

    Hiru ikastaro berri antolatu dira aurten

    Nork argitaratua: Igeldo Herria Kategoriak: Azaleko Nabarmendua urte 1, 6 hilabete atzera

    Ikasturte honetan, 18 ikastaro antolatu dira eta horietatik hiru berriak dira: xakea, korrika eta frantsesezko mintzapraktika. Denera, 114 ikaslek eman dute izena, haur eta heldu kontuan izanda. Iazko kopuruak zer­txobait hobetu dira.
    Ikastaroak honakoak dira: ingelesa, zunba, joskintza, yoga, pianoa, trikitixa, gitarra, marrazketa, break dance, musika tailerra, panderoa, frantsesa, euskal dan­tza, balleta, euskarazko mintzapraktika, xakea, korrika eta fran­tsesezko mintzapraktika.

    osorik irakurri / 0 iruzkin

    Zenbait hitzaldi udazkenerako, Jubilatu elkartearen eskutik

    Nork argitaratua: Igeldo Herria Kategoriak: Azaleko Nabarmendua urte 1, 6 hilabete atzera

    Zahartzaroko sexualitatearen inguruan izango dira bi hitzaldi eta beste bat elikadura osasungarriaren inguruan. Herritar guztiei irekiak izango dira.

    osorik irakurri / 0 iruzkin

    Aurten ere Salamancako ferian izan dira Longa baserrikoak

    Nork argitaratua: Igeldo Herria Kategoriak: Azaleko Nabarmendua urte 1, 6 hilabete atzera

    Irailaren 2tik 6ra bitartean izan zen Salamancako ganadu feria eta iaz bezala aurten ere bertan izan zen Longa baserriko familia. “Blonde de Aquitania” arrazako ganaduaren txapelketan parte hartu zuten eta zenbait sari lortuta itzuli ziren etxera. Aurtengoan ez dute lehendabiziko saririk lortu, baina 4 bigarren sari eta beste 4 hirugarren sari lortuta gustura daudela adierazi dute.
    Guztira 22 buru eraman zituzten Salamancara, horietatik 16 txapelketan parte hartzeko eta 6 txahal, behiak txahalarekin batera atera­tzen diren sekzioetan parte hartzeko. 16 buru horietatik 3 idiskoak ziren.
    Gainera, azken egunean egiten den subastarako 2 idisko eraman zituzten eta biak saldu zituztela nabarmendu dute. Eta hirugarren idiskoa ere saltzea lortu zuten subastatik kanpo. Subasta amai­tzean ganadua kamioian kargatu eta etxerako bidea hartu zuten, pena pixka batekin aurtengoan lehendabiziko posturik lortu ez zutelako, baina pozik 3 idiskoak salduta.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom