Blog! | Igeldo Herriko webgunea Skip to content

Blog!

Hurrrengo etiketa duten postak ikusten: euskara

Euskaraldian izen ematea zabalik dago

Igeldok ere parte hartuko du Euskaraldian eta izen ematea zabalik dago. Parte hartu nahi duten herritarrek Ahobizi edo Belarriprest izango diren erabaki behar dute eta ondoren izena eman. Itsas Aurre kultur etxean edo Txapelan eman daiteke izena eta baita internetez ere: euskaraldia.eus.

Igeldon ere, 11 egun euskaraz

Euskaraldia denon ahotan dabilen kontua da azken aldian eta Igeldora ere iristekoa da. Ikasturte berriarekin batera, irailean helduko zaio ekimenari behar bezala.

Igeldon, %75ak erabiltzen du euskara kalean

Soziolinguistika Klusterrak Donostia mailako azterketa egin du (2016 urtekoa da azterketa). Hain zuzen, kalean zein hizkuntza erabiltzen diren neurtu du eta Igeldoko datuak lortu ditu Orri Informatiboak.
Igeldon, euskara da kalean gehien erabiltzen den hizkuntza eta %75,4koa da bere erabilera. Gaztelera da hurrengo hizkuntzarik erabiliena, %23,8ko erabilerarekin eta beste hizkuntza batzuk ere erabiltzen dira modu apalagoan: %0,8.
Kalean euskara erabiltzen dutenak batez ere emakumezkoak dira: %82,40. Gizonezkoak berriz, %68,30 dira. Adinari dagokionean, berriz, haurrak (2-14 urte) dira euskara gehien erabiltzen dutenak: %87,50; ondoren, 15-24 urteko gazteak lirateke (%83,30); atzetik, 25-65 urteko helduak leudeke (%76,90); eta azkenik, 65 urtetik gorako adinekoak (%22).
Irailaren 21etik urriaren 1era egin zuten ikerketa Igeldon eta denera 12 orduz aritu ziren azter­tzen kalean zeuden pertsonek zein hizkuntza erabiltzen zuten hitz egiterakoan. Igeldoko plaza, Lizardi plaza eta Kristobal Balenziaga pasealeku bukaeran aritu ziren behaketa lana egiten, hau da, kalean jende gehien pila­tzen den lekuetan.

Azken postak

Artxibategia

2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom