Igeldon ere, 11 egun euskaraz

Nork argitaratua: Karmele Garmendia 5 urte, 9 hilabete atzera

Euskaraldia denon ahotan dabilen kontua da azken aldian eta Igeldora ere iristekoa da. Ikasturte berriarekin batera, irailean helduko zaio ekimenari behar bezala.

Baina zer da Euskaraldia?
Ariketa sozial bat da, teoriatik praktikara pasatzeko ariketa, eta hizkuntza ohiturei astindu bat ematea da helburua. Hain zuzen, lortu nahi da ahalik eta pertsona gehienek euskara gehiago erabiltzeko urratsak ematea. Egunerokoan eragin nahi da eta horretarako, ariketa sozial hau 11 egunekoa izango da: azaroaren 23an hasi eta abenduaren 3an bukatuko da. Euskal Herri osoan, aldi berean egingo den ariketa izango da.

Zeinek hartu dezake parte?
16 urtetik gorako herritar euskaldunek. Euskaraz ezer ez dakitenek ezingo dute parte hartu, izan ere, ezinbestekoa da euskera ezagutzea, gutxieneko maila izatea, edo behintzat ulertzea.

Nola hartu dezaket parte?
Bi figura daude: Ahobiziak eta Belarriprestak. Ahobizi izateak honakoa esan nahi du: «Ulertzen duenari euskaraz egiten diot, hark erdaraz erantzun arren». Edo «Ezezagunei aurreneko hitza, gutxienez, euskaraz egiten diet». Eta Belarriprest izateak, honakoa: «Egidazu euskaraz; nik erdaraz zein euskaraz erantzungo dizut».

Etiketak:
euskaraldia,
euskara

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Igeldoko Herri Kontseiluko webgunea

Webguneko gaiaren kolorea

Igeldo Herria