Blog! | Igeldo Herriko webgunea Skip to content

Blog!

Hurrrengo etiketa duten postak ikusten: Eskola

Eskolako jaialdia izango da larunbatean

Kurtsoa bukatzen ari zaigu eta larunbat honetan bertan, ekainak 16, Eskolako Jaialdia ospatuko da. Goizeko 11:00etan hasita, eskolako aretoa txikienek mimoz prestatutako antzerki eta koreografiekin girotuko dute. Sorpresas betetako ekitaldia izango da aurtengoa ere…

Eta beste behin, letxugak lapurtu dituzte

Pasa den hilabetean, Eskolako Lehenengo zikloko ikasle eta irakasleek jakinarazi zuten eskolako baratzetik porruak lapurtu zizkietela. Eta pasa den ostiralean, berriz, letxugak lapurtu zizkietela konturatu ziren: «Gaur goizean eskolara ailegatzean sorpresa, baratzan zeuden letxuga guztiak eraman dituzte», adierazi zuten.

Oraingoan porruak lapurtu dituzte eskolako baratzetik

Eskolako baratza buruhauste eta frustrazio ugari sortzen ari zaie azken bi urteetan, Lehenengo zikloko ikasle eta irakasleei. Azaldu dutenez, gauzak biltzeko garaia iristen zaienean, lapurtu egiten dizkiete bertako barazkiak. Azken lapurreta orain gutxi izan da eta porruak eraman dituzte. Honen inguruan idatzi dute Eskolako blogean (maiatzak 11): «Lehenengo zikloko ikasleak gara. Gaur goizean baratzera irten garenean ezusteko handia jaso dugu. Lehenengo hiruhilabetean, beste barazkiekin batera, porruak landu genituen. Ederrak zeuden. Gaur etxera eramateko baratzetik gure porruak hartu behar genituen eta ezin izan dugu. Baratza garbi zegoen eta gure porruak ez ditugu inon ikusi».

«Pitito ta potota, gonari ez zaio inporta!»

Apirilaren 10ean Pirritx, Porrotx eta Mari Motots pailazoak Igeldoko herri eskolara etorri ziren «Gona Gorria» kantaren bideoklipa bertan grabatzera. Bai ikasle, baita irakasle eta gurasoek ere, parte hartu zuten grabaketan. Bi baldintza bete behar ziren bideoklipan parte hartzeko, hori bai! Batetik, gona jantzita etortzea; eta bestetik, dantza egin eta ongi pasatzeko gogoa izatea.

Nolatan Igeldoko eskolara?
Azaroaren 25ean, Emakumeenganako indarkeriaren aurkako Nazioarteko Eguna da eta egun horren harira, Igeldoko eskolako ikasle eta irakasleek, guztiak gona jantzita, dantza bat egin zuten eskolako atarian. Eskolatik adierazi dute hori izan daitekeela besteak beste, Igeldoko eskolara etorri izanaren arrazoia: «Igeldoko eskolako hezkuntza proiektuaren barnean hezkidetzak garrantzi handia du eta, baliteke, hori, eskola txikia izatearekin batera, pailazoek gure eskola aukeratzearen arrazoia izatea». Azken finean, Pirritx eta Porrotxen kantak dion bezala, «pitito ta potota, gonari ez zaio inporta!!!»

Miru beltza aske, bere bidea egiteko prest

Igeldoko Arrano etxean, Gipuzkoako animalia basatiak jasotzen dituzte; zaurituak, gaixo daudenak edo kumeak. Eta horiek zaindu eta errekuperatzen saiatzen dira, besteak beste. Animalia horiek ondoren, guztiz sendatu edo hazten direnean, askatu egiten dituzte beraien habitatetara bueltatu daitezen. Sentsibilizazio programa bat ere badute eta horren barruan, eskolako umeekin egiten dute lan. Esaterako, beraiekin askatzen dituzte animaliak. Orain arte, Donostiako hainbat ikastetxetan egin izan dute, baina apiriletik aurrera, Igeldoko eskolan ere hasi dira. Hain zuzen, apirilaren 25ean askatu zuten lehenengo hegaztia eskolan. Mikel Urruzola igeldoarra izan zen bertan (Arrano etxeko langilea) eta Karmentxuren gelako umeak izan zituen laguntzaile. Miru beltza askatu zuten. Bere garaian kume bat zela hartu zuten Arrano etxean eta behin hazita, libre utzi dute bere bidea egin dezan.

Azken postak

Artxibategia

2023
2022
2021
2020
2019
2018
2017

Kategoriak

Etiketak

Egileak

Web-jarioak

RSS / Atom