Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: urria, 2021

    Siadecok bideratuko du Tokiko Entitate Txikia sortzeko prozesua

    Nork argitaratua: Igeldo Herria Kategoriak: Azaleko Nabarmendua 2 urte, 6 hilabete atzera

    Donostiako Udalak urriaren 5ean jakinarazi zuen Siadeco enpresak bideratuko duela Igeldoko Tokiko Entitate Txikia sortzeko prozesua. Deialdi publiko bidez aukeratua izan da Siadeco eta adjudikatutako kontratua 100.188 eurokoa da eta 13 hilabeteko epea dauka Igeldoko TET sortzeko behar den txostena egiteko.

    osorik irakurri / 0 iruzkin

    Break dance ikastaroa, aurtengo berritasuna

    Nork argitaratua: Igeldo Herria Kategoriak: Azaleko Nabarmendua 2 urte, 6 hilabete atzera

    Urriarekin batera, ikastaroak ere martxan jarri dira. Eta aurtengoan ere bada berritasunik. Break dance ikastaroa eskainiko da. Horrez gain, iazko ikastaroak ere atera dira. Denera, 14 ikastaro izango dira 2021-2022 ikasturte honetan eta 105 herritar animatu dira. Iaztik zertxobait handitu da kopurua eta antolatzaileak oso pozik daude erantzunarekin.

    osorik irakurri / 0 iruzkin

    Pelotak badu arrakasta Igeldon

    Nork argitaratua: Igeldo Herria Kategoriak: Azaleko Nabarmendua 2 urte, 6 hilabete atzera

    Azken urteetan indartuz joan da pelota Igeldon eta aurten ere iazko arrakasta bera izan du. Denera, 23 ume dabiltza: 3 infantil, 10 alebin, 8 benjamin eta 2 benjaminak baino txikiagoak. Iñaki Enbil, Onditz Urruzmendi eta Aratz Urruzmendi dabiltza monitore lanetan eta azken honek azaldutakoaren arabera, nesken kopuruak izan du igoera (sei dira aurten) eta benjaminak baino txikiagoak ere hasi dira probatzen. Astean behin izaten dute horiek saioa (astearteak).

    osorik irakurri / 0 iruzkin

    Eskolako patioa berritzeko proiektua aurrera doa

    Nork argitaratua: Igeldo Herria Kategoriak: Azaleko Nabarmendua 2 urte, 6 hilabete atzera

    Guraso elkarteak jakinarazi duenez, iazko ikasturtean proposatutako eskolako patioaren berritzearen proiektua aurrera doa. Ziklo bakoitzetik ikasle talde bat bilduko da irakasleekin euren ideiak proposatzeko eta ondoren, proposamen hauek proiektua aurrera eramango duten guraso taldeari helaraziko dizkiete, auzolanean berri­tze lanekin hasteko.
    Bestalde, elkartetik gaineratu dute gizartean COVIDaren aurkako neurriak pixkanaka arintzen ari diren bitartean, hezkuntzak ez duela eskoletan neurririk malgutu: «Igeldoko eskolan ere oraindik musukoarekin jarraitzen dute ikasleek bai eskola barruan, nola espazio irekietan ere».

    osorik irakurri / 0 iruzkin

    Izena emateko epea irekita dago Neguko Pala Txapelketarako

    Nork argitaratua: Igeldo Herria Kategoriak: Azaleko Nabarmendua 2 urte, 6 hilabete atzera

    Igeldoko III. Neguko Pala Txapelketa azaroaren 26an hasiko da eta izena emateko epea irekita dago. Azaroaren 7an bukatuko da. Emakumezkoak tenis pelotarekin ariko dira eta gizonezkoak mazizarekin bi mailatan banatuta. Izena emateko, mezu bat bidali behar da Whatsappez: 648 268 216. Bikote bakoitzak 20 euro ordaindu beharko ditu. Partiduak ostiralero jokatuko dira 18:00etatik aurrera. 

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom