Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: urria, 2018

    Dorronsoro anai-arrebak, Gure Esku Dagoren abestian

    Nork argitaratua: Karmele Garmendia Kategoriak: Azaleko Nabarmendua 5 urte, 5 hilabete atzera

    Donostiako Gure Esku Dagok galdeketa egingo du azaroaren 18an, Igeldon eta beste hainbat herritan egin bezala. Eta aurretik, kalejira erraldoia egin dute (urriak 28). Egun horri begira, abesti bat prestatu zuten, kalejira bat, eta abesti horretan, Iker eta Gurutze Dorronsoro anai-arreba igeldotarrek hartu dute parte trikitixa eta panderoarekin. Donostia eta inguruko musikari ugarik hartu dute parte. Musika Joserra Senpe­re­nak sortu du eta letra Harkaitz Cano­rena da. "Hatz puntetan" izena du abestiak.

    osorik irakurri / 0 iruzkin

    Sinadurak biltzen, Babes Ofizialeko Etxebizitzak igeldotarrentzat izateko

    Nork argitaratua: Karmele Garmendia Kategoriak: Azaleko Nabarmendua 5 urte, 6 hilabete atzera

    Festen bueltan, Herri Kontseiluak mar­txan jarri zuen sinadura bilketa Babes Ofizialeko 36 Etxebizitzak igeldotarren beharrak asetzeko izan daitezen eskatuz. Lan­ke­ta sakonagoa egiteko asmoa du He­rri Kontseiluak eta gaia aztertzen ari da. Dena dela, gogorarazi du sinadurak biltzen jarraitzen duela eta herriko puntu desberdinetan dagoela aukera orria sinatzeko: kultur etxeko bulegoan, Txapela tabernan, Mendi­zorrotz tabernan eta Calongen.
    Horrez gain, internetez ere badago sinatzeko aukera change.org atariaren bidez. Dena dela, aukera izanez gero, Herri Kontseiluak adierazi du hobe dela paperean sinatzea.
    Bestalde, ahalik eta sinadura gehien lortzeko, herritarren laguntza beharko duela ere azpimarratu du.
    Herri Kontseiluak gogorarazi du Igeldoko Babes Ofizialeko Etxebizitzak egin zirenean, horietatik 36 igeldotarrentzat izatea lortu zela, ederki borrokatu ostean: «Gaur egun, ordea, jabe aldaketa dagoenean, Donostiako Udalak ez du onartzen baldintza hori; eta hori ezin dugu onartu».

    osorik irakurri / 0 iruzkin

    Udazken Festari ekiteko, pentsioen inguruko hitzaldia antolatu dute

    Nork argitaratua: Karmele Garmendia 5 urte, 6 hilabete atzera

    Asteburu honetan, Udazken Festa izango dugu Igeldon (urriak 26, 27 eta 28) eta hiru egunetan ekintza ugari izango dira adin ezberdinetako herritarrentzat. Ostiralean, pentsioen inguruko hitzaldia izango da eta larunbatean, umeek gozatzeko aukera izango dute skate eta patinete ikastaroarekin eta zirko tailerrarekin. Arratsalde-iluntzea, kantu jirak eta Mexikortxo Bandek girotuko dute. Igandean, berriz, ez dira faltako azoka, erromeria, bazkaria eta taloak!

    osorik irakurri / 0 iruzkin

    Pala Txapelketa jokatuko da neguan eta izen ematea zabalik dago

    Nork argitaratua: Karmele Garmendia 5 urte, 6 hilabete atzera

    Herri Kontseiluak eta Pelota Elkarteak elkarlanean, Neguko Pala Txapelketa antolatu dute aurreneko aldiz. Ostiraletan izango dira partiduak azaroaren 30ean hasi eta martxoa bukaera arte (abenduak 7 eta 21 izan ezik). Arratsaldez jokatuko dira partiduak 18:00etan, 19:15etan eta 20:00etan.

    osorik irakurri / 0 iruzkin

    Herritarrek aukeratuko dute armarria

    Nork argitaratua: Karmele Garmendia 5 urte, 6 hilabete atzera

    Armarria aukeratzeko prozesua bukatzear da eta laster izango du Igeldok ere berea. Horretarako, aurkeztutako lanen artetik (7 aurkeztu dira), herriko taldeetako ordezkariek finalera pasa diren lan ba­tzuk aukeratu dituzte eta orain, herritarrek aukeratuko dute irabazlea. Udazken Festan izango da hori. Igande goizean, azoka dagoen bitartean, herritarrek bozkatzeko aukera izango dute eta bertatik aterako da armarri irabazlea.
    Hori horrela, herritarrei anima­tzeko eta parte hartzeko dei egiten die Herri Kontseiluak.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom