Blog!

Bertizera irteera egingo dute Gabon Eskean ateratakoek

Nork argitaratua: Igeldo Herria urte 1, 2 hilabete atzera

Aurreko urteetan ez bezala, aurten irteera bat antolatzea erabaki du Gabon Eskea antolatzen aritu den guraso taldeak. Apirilaren 1-2 egunetan joango dira asteburua pasatzera eskean ateratako haur eta gazteak. Hain zuzen ere, Bertizera joango dira. Bi plan antolatu dituzte adinaren arabera: 6 urtetik 17 urtera bitarte, gaua pasatzera joango dira, gurasorik gabe; 6 urtetik beherakoak, berriz, igandean egun pasa egiteko aukera izango dute gurasoek lagunduta. Edozein kasutan ere, izena emateko epea otsailaren 26an bukatu zen.

osorik irakurri / 0 iruzkin

Festa ederra, Inauteriak ospatuz

Nork argitaratua: Igeldo Herria Kategoriak: Azaleko Nabarmendua urte 1, 2 hilabete atzera

Otsailaren 18an ospatu ziren Inauteriak Igeldon eta eguraldiak lagunduta, festa ederra bizitu zuten elkartutako haur, gazte eta helduek. Goizean, herriko gazteek antolatuta, jolasak eta altxorraren bila izan zituzten umeek. Primeran pasa zuten eta neka-neka eginda ere bukatu zuten askok, altxorra aurkitzea ez baitzen lan errexa izan!

osorik irakurri / 0 iruzkin

Santa Agedako koplak kantari

Nork argitaratua: Igeldo Herria Kategoriak: Azaleko Nabarmendua urte 1, 2 hilabete atzera

Otsailaren 4an, Igeldoko Jubilatuen ekimenez, herriko etxe eta tabernetan lehen aldiz Santa Ageda koplak kantatzen atera ziren jubilatuen Kantujirako taldekoak. Euskal Herriko beste herri askotan bezala, beren makilekin lurrari kolpeka, neguko lozorrotik udaberriari ate joka aritu ziren. Santa martiriari egindako koplak eta jendearen egunerokotasunari jarritako bertsoen arteko oroimen nahasia izan zen. Eusebio bertsolariaren alaitasunarekin, Iker eta Gurutze trikitilarien giroarekin, pozik ibili ziren parte hartu zuten zahar eta gazteak.
Ondoren, Dindin Elkartean afari ederra eta dantzaldi biziak eginez bukatu zuten Santa Ageda bezperako eguna.

osorik irakurri / 0 iruzkin

Lan egiteaz gain, primeran pasatzen ari dira Eskolan

Nork argitaratua: Igeldo Herria Kategoriak: Azaleko Nabarmendua urte 1, 2 hilabete atzera

Bigarren hiruhileko honetan, zientzia arloa lantzen ari dira Eskolan, bakoitza bere mailara. Haur Hezkuntzako ikasleak, zentzumenak eta gorputza ikertzen ari dira. Lehen Hezkuntzako ikasleak berriz, gorputza, sukaldaritza eta materiarekin hainbat ikerketa egingo dituzte.

osorik irakurri / 0 iruzkin