Blog! | Igeldo Herriko webguneahttp://www.igeldo.eus/blog/2018-05-30T14:54:17+00:00Dominak eskuratuta, Txinatik buelta2018-05-16T15:20:12+00:002018-05-30T14:54:17+00:00Karmele Garmendiahttp://www.igeldo.eus/blog/author/Karmele/http://www.igeldo.eus/blog/dominak-eskuratuta-txinatik-buelta/<p><em>Martxoaren hasieran goma gaineko sokatira mundiala izan zen Xuzhoun, Txinan. Euskal Herriko txapelketa bukatuta, 6 talde joan ziren Euskal Herritik eta horien artean Ibarrako taldea. Talde honetako kide den Joxe Mari Uranga igeldoarra bertan izan zen eta berarekin elkartu gara Txinan bizitako esperientzia nolakoa izan den jakiteko asmoz.</em></p>
<p><strong>Nola egin zenuten bidaia, zenbat denboran?</strong><br/>Bidaian 25 ordu pasa genituen. Gainera bisatuarekin nahiko arazo izan genuen taldekide batzuk, eta bi txandatan iritsi ginen. Iristeko, 4 hegazkin, abiadura handiko trena eta Shangaiko metroa hartu genituen.</p>
<p><strong>Ibarrako taldekoak zer moduz ibili zineten? Dominik lortu al zenuten?</strong><br/>Kluben arteko lehiaketari dagokionean, 600kg-ko modalitatean, hirugarren geratu ginen (brontzea), 640kg-an laugarren, 540kgan neskak hirugarren (brontzea) eta 600kg-an mixtoan ere hirugarren (brontzea). Nazioarteko lehiaketan, Ibarrak Euskal Herria ordezkatu zuen 600kg eta 640kgan eta bigarren (zilarra) eta laugarren egin genuen.</p>
<p><strong>Euskal Herriko neskak ongi ibili zirela entzun genuen komunikabideetan. Txinatar neskek ere oso onak diren fama dute, ezta?</strong><br/>Txinako neskak onak dira bai, baina kontuan izan behar da bekadun ikasle kirolariak direla.</p>
<p><strong>Txina ezagutzeko denborarik izan al duzue? Zer inpresio eman dizu herrialdeak?</strong><br/>Berez lehiatzera joateko urrutiegi geratzen da, ordu aldaketa, bidai luzeegia, diru asko… Ni lehiaketa egunetan bakarrik izan nintzen eta besterik ez. Taldekide batzuk berriz egun gehiagoz geratu ziren bertan.</p>
<p><strong>Bitxikeriarik edo baduzu komentatzeko?</strong><br/>San Pats talde Irlandarrak erakutsi zuen nagusitasuna. Kategoria ezberdinetan nagusitasun handia erakutsi baitzuen. Eta bestetik, Txinan ingelesez jakiteak ez duela ezertarako balio, hoteleko arduradunak ere etzekien!</p>