Sari ugari lortu dituzte Longa baserrikoek | Igeldo Herriko webgunea Skip to content

Sari ugari lortu dituzte Longa baserrikoek

(0 iruzkin)

Irailaren 3tik 8ra Salamancan izan zen Joxe Angel Zendoia bere familiarekin. Bertan “Blonde de Aquitania” arrazako ganaduaren XIII. Espainiako Txapelketan parte hartu zuten eta sari ugari lortuta, gustora itzuli ziren etxera.
Salamanca kanpo aldean dagoen ferialekuan izaten da azoka eta blonda arrazako ganadu txapelketaz gain, Charolesen eta Limusinen Espainiako Txapelketa ere izaten da. Ganadu lehiaketez aparte, makinaria, janaria eta bestelako animalien (zaldiak, ardiak, txerriak, oiloak...) azoka ere izaten da. Longakoek, 11 bururekin parte hartu zuten eta guztira 98 buru izan ziren lehiaketan parte hartu zutenak, 15 sailetan banatuta.
Lau 1. sari eskuratu zituzten: Panpoxa (18-36 hilabeteko bigarak), Lastur (5 urtetik gorako behiak bere txahalarekin, A atalean), Greta (5 urtetik gorako behiak bere txahalarekin, C atalean) eta Rocky (12-24 hilabeteko idiskoak).
Bi 2. sari eskuratu zituzten: Odry (3-5 urteko behiak txahalik gabe) eta Jai (5 urtetik gorako behiak bere txahalarekin, B atalean).
Bi 3. sari eskuratu zituzten: Igeldo (5 urtetik gorako behia bere txahalarekin, C atalean) eta Rai (12-24 hilabeteko idiskoa).
Rocky idiskoarekin, “Txa­pel­dun Handiaren Erreserba” saria ere lortu zuten eta lehiaketako azken egunean izan zen subastan 2 idiskoak saldu zituzten.

Oraindik ez du puntuaziorik jaso

Iruzkinak

Oraingoz ez dauka iruzkinik

Iruzkin berria

derrigorrezkoa

derrigorrezkoa (argitaratu gabea)

optional

derrigorrezkoa

captcha

derrigorrezkoa

Azken postak

Artxibategia

2021
2020
2019
2018
2017

Kategoriak

Etiketak

Egileak

Web-jarioak

RSS / Atom