Asteburu pasa antolatu dute Asteasura, maiatzean

Nork argitaratua: Karmele Garmendia 6 urte, hilabete 1 atzera

Asteasura asteburu pasa antolatu du Guraso Elkarteak. Bi gauko irteera izango da, maiatzaren 18tik 20ra, eta edozein igeldotarrek hartu dezake parte. Ostiralean Igeldotik atera eta Asteasuko Otabardi baserrira joango dira. Larunbatean eta igandean, egun osoko mendi-irteerak egingo dituzte; haurrek egiteko modukoak.

Mendia eta euskara
Azpimarratu dutenez, antolatzen dituzten mendi irteeren helburu nagusia da umeek mendiaz, mendiarekin eta mendian gozatzea. «Eta horrekin batera nahi dugu gurasoek ere gozatzea, mendia ezagutu nahi duenak aukera izatea, mendiak eskaintzen dituen baloreak ikastea, eta sortzea espazio bat non euskara izango den gure hitzezko tresna nagusia», gaineratu dute.

34 euro pertsonako
Sukalde librea duen aterpetxea hartu dute eta pertsonako 34 euro ordaindu behar dira (oheak 14 euro eta sukaldea erabiltzeagatik 6). Jakiak aparte izango dira eta hori zenbat den, irteeran bertan jakingo da. 3 urtetik beherako haurrek ez dute ordaintzen.

Izen-ematea, martxoak 31 arte
Izena emateko azken eguna martxoaren 31 da. Interesa duenak idatzi dezala (mendizorrotz@eskolatxikiak.org) edo harremanetan jarri dadila Guraso Elkartekoekin.

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Igeldoko Herri Kontseiluko webgunea

Webguneko gaiaren kolorea

Igeldo Herria