Blog! | Igeldo Herriko webgunea Skip to content
  • Blog!

    Blog!

    Hurrengo epealdiko postak ikusten: maiatza, 2018

    «Ez da epea bukatu eta 140 sinaduratik gora lortu ditugu»

    Nork argitaratua: Karmele Garmendia Kategoriak: Azaleko Nabarmendua 5 urte, 11 hilabete atzera

    Gure Esku Dagoko kideak sinadurak biltzen ari dira Igeldon galdeketa egin ahal izateko. Maiatzaren erdira arte ariko dira. Honako idatzia bidali dute deialdia eginez.

    osorik irakurri / 0 iruzkin

    Emandako azken pausoak azaldu zituen Kooperatibak batzarrean

    Nork argitaratua: Karmele Garmendia Kategoriak: Azaleko Nabarmendua 5 urte, 11 hilabete atzera

    Kooperatibaren batzarra izan zen apirilaren 22an eta emandako azken pausoen berri eman zien bazkideei. 42 bazkide elkartu ziren.  Azaldutako pausoetako bat izan zen bideragarritasun plana egin dela eta kalkuluen arabera, denda irekita, bigarren urtearen bukaeran  irabaziak lortzen hasiko liratekeela. Plan horren arabera, egokiena seina orduz ariko diren bi langile kontratatzea ikusten dute eta kontsumoa dela gakoa. Beraz, hasierako urterako kontsumo-kuota bat ezartzea proposatu dute (hilean 30 eurokoa), proiektua martxan jartzeko beharrezkoa, baina lehenengo urtea pasata, kuotarik ez izatea da asmoa. Kuota hori egun daukaten finantziazioaren arabera kalkulatua da, baina denda irekitzerakoan hobeto zehaztuko dute. Izan ere, lortzen duten finantziazioaren baitan aldatu daiteke.
    Bideragarritasun plana prestatuta, diru laguntza bat ere eskatu da Eusko Jaurlaritzan. Udara ingururako aterako da ebazpena.

    osorik irakurri / 0 iruzkin

    Javi eta Alberto izan dira Lapako irabazleak

    Nork argitaratua: Karmele Garmendia Kategoriak: Azaleko Nabarmendua 5 urte, 11 hilabete atzera

    Apirileko hiru ostiraletan zehar, Lapa Txapelketa jokatu da eta Javi eta Alberto izan dira txapeldunak 607 punturekin. Azpitxapeldun izan dira Joxe eta Juan 377 punturekin. Hirugarren pos tuan, berriz, Laxaro eta Luisen geratu dira 371 punturekin eta laugarren, Oscar eta Juanjo 360 punturekin. 29 bat bikotek hartu dute parte Lapan.
    Bestalde, urtarriletik martxora Mus Txapelketa azkarrak jokatu ziren eta, gutxi-gorabehera, 25 bat bikotek hartu zuten parte saio bakoitzean.

    osorik irakurri / 0 iruzkin

    Zaborra behar den lekuan uzteko deia

    Nork argitaratua: Karmele Garmendia Kategoriak: Azaleko Nabarmendua 5 urte, 11 hilabete atzera

    Zaborrarekin hainbat arazo sortzen ari dira azken aldian, herritar batzuk nahi dutena eta nahi duten lekuan uzten dutelako. Herri Kontseiluak gogorarazi nahi du, hasteko, hondakinak bereizi egin behar direla eta ondoren, hondakin jakin bakoitza dagokion lekuan utzi behar dela. Eta kontenedoreetan utzi ezin daitekeena, Garbigunera eraman behar dela.

    osorik irakurri / 0 iruzkin

    Pilotegiko goiko zati osoa asfaltatuko dute

    Nork argitaratua: Karmele Garmendia Kategoriak: Azaleko Nabarmendua 5 urte, 11 hilabete atzera

    Herri Kontseiluaren eta herritarren eskaria kontuan hartuz (idatzi eta bilera desberdinen ostean), Pilotegi bideko goiko zatia asfaltatu egingo dutela jakinarazi du Donostiako Udaleko Mantenimendu saileko teknikariak. Prestatu duten proiektuan honakoa bildu dute: goitik hasi eta Ganbo Berriraino bidea asfaltatzea. Horrez gain, pare bat zabalgune egitea (kotxeak gurutzatzeko) eta hasierako zatian segurtasunerako barrera bat jartzea “quitamiedos” modukoa.
    Aurrekontuari dagokionez, 77.000 eurokoa da. Diputazioak 37.000 euroko diru laguntza emango du eta Donostiako Udalak 40.000 euro jarriko ditu. Eskatu zezaketen gehiena eskatu dutela azaldu du teknikariak.
    Proiektua oraindik ofizialki onartu gabe dago eta ez dute zehaztu noiz onartuko duten. Beraz, emandako hitza beteko duten jakiteko, itxaron egin beharko da proiektua eskuartean izan arte. Esandakoaren arabera, lanak aurten hasiko lirateke.

    osorik irakurri / 0 iruzkin

    Azken postak

    Artxibategia

    2024
    2023
    2022
    2021
    2020
    2019
    2018
    2017

    Kategoriak

    Etiketak

    Egileak

    Web-jarioak

    RSS / Atom